അറിയാതെ നിന്നെ ഞാൻ സ്നേഹിച്ചു പോയി 

എൻ ഹൃദയത്തിൻ ആഴങ്ങളിൽ 

നിൻ ഓർമ്മകളെന്നും ഞാൻ മറച്ചു വെച്ചു 

മറക്കുവാനാവില്ലയെങ്കിലും അവയെന്നിൽ 

മുറിവിടും തേങ്ങലായി വേദനയായി 

നീ എനിക്കില്ലെന്നറിവീലും 

നിൻ സ്നേഹമെന്നവകാശമല്ലെങ്കിലും 

നിൻ ഹൃദയം എനിക്കായി പകുത്തു നല്കില്ലെങ്കിലും 

അറിയാതെ നിന്നെ ഞാൻ സ്നേഹിച്ചു പോയി 

ഒരു നോക്ക് കാണുവാൻ എൻ മിഴികളിന്നൊരുപാട് ആശിച്ചു പോയി 

എവിടെയും തിരയുന്നു നിന്നെ ഞാൻ

നീ മറയുന്നതെന്തിനെൻ മനസ്സിൽ നിന്നോ 

അറിയില്ല നീയെൻ ഹൃദയത്തെ അതിൻ സ്പന്ദനം നിലയ്ക്കും വരെ 

എത്രയാകന്നാലും എത്ര അടർന്നാലും നീ 

അറിവീല്ല 

നിൻ ഓർമകളെന്നിൽ അനശ്വരമെന്ന് 

അതിൻ സൗരഭ്യംഎന്നുമെൻ ജീവനെന്ന് 

സൗഹൃദമെന്ന പേരിനാലാസത്യത്തെ 

നമ്മിൽ നമുക്ക് കുഴിച്ചുമൂടാമെന്നും ഒളിച്ചുവെയ്ക്കാം 

എങ്കിലും നീയെൻ സ്വപ്നങ്ങളിൽ നിന്ന് 

മാഞ്ഞുപോവതെൻ ആശയല്ല 

അത്രമേൽ നിന്നെ ഞാൻ സ്നേഹിച്ചു പോയി 

അത്രമേൽ നീയെന്നിൽ ജീവനായി 

ഒരു കൊച്ചുകണ്ണുനീർ എൻ മിഴിയിൽ നിന്നടരുന്നു 

ഹൃദയം നുറുങ്ങുന്ന വേദനയാൽ ഞാനെഴുതുന്നു 

എന്നെന്നും നിനക്കായ് മാത്രം.

©p.k.s.v